Deputeti i opozitës parlamentare, Myslym Murrizi, gjatë fjalës së tij në seancën e sotme plenare ka komentuar ligjin e kthyer pas nga presidenti Meta për rezervat materiale të shtetit, e ku opozita tha se me ndryshimin e ri, kryeministri Rama merr të drejtën e blerjes së arit në Shqipëri.
Murrizi deklaroi nga foltorja e Kuvendit se dekreti i presidentit Meta e thotë qartë se arin dhe argjendin nuk duhet ta shesë Rama, ndërsa shton se kjo duhet të jetë kompetencë e drejtorit të Rezervave të Shtetit, në mënyrë të tillë që sipas tij të këtë edhe përgjegjësi penale. Ndër të tjera, Murrizi solli në vëmendje edhe episodin e vjedhjes së arit në Kërrabë të Elbasanit, në 1997.
“Në argumentimin ligjor që i bën Meta këti ligji bëhet fjalë për mallrat e kategorisë A. Kush janë mallrat e kategorisë A? Ato janë prodhimet prej ari, argjendi, platini etj. Ajo që më habit është grupi i ndarë nga lëndët e tjera, por është i ndarë nga elbi, patatja. Dekreti i presidentit, thotë; Arin, argjendin nuk duhet ta shesë Rama, por qeveria. Nisur nga përgjegjësia penale, prgjegjësia individuale është më e mirë. Duhet ti lihet drejtorit të Rezervave të Shtetit, që të ketë përgjegjësi për çdo firmë që hedh. Nëse firmos kryeministri, se di kush do e kontrollojë. Këtu nuk ka ngelur më ar apo argjend për të shitur. Kërkoj një evidencë se çfarë ka ngelur nga ai ari i Kërrabës. Çohet saurreli, ngarkohet ari me lopatë dhe arrestohet një plak me gomar. Dhe bëjnë këtu sikur u dhimbset ari dhe argjendi. Po të jetë nisur nga synimi i mirë se ari u duhet shqiptarëve, lum si ne. A do t’i shesë kryeministri, apo ata që e vjedhin me saurrel?”, nënvizoi Murrizi.
