Nënkryetari i Partisë Demokratike, Edi Paloka ka reaguar në lidhje me përplasjen mes Policisë dhe banorëve të Astirit ditën e sotme.
Nga komisariati nr. 6, aty ku mes të shoqëruarve po mbahet edhe ish-deputeti demokrat, Klevis Balliu, Paloka theksoi se banorët kanë dalë në rrugë nga frika se po iu shemben banesat.
Ndër të tjera, Paloka paralajmëroi kryeministrin Rama se do të mbajë përgjegjësi për dhunën e ushtruar.
“Çdo mungesë në ndjeshmërie njerëzore po e çon vendin drejt një përplasje, që të jem i sinqertë nuk e di se ku do na çojë. Pasojat po i vuajnë qytetarë. Protestuesit e Unazës së re kanë dalë në rrugë dhe kanë menduar në një moment se siç ka bërë te bregu i lumit me prishjen e shtëpive, janë ngritur dhe kanë dalë në rrugë për të mbrojtur shtëpitë e tyre. Rama vijon të ngulë këmbë dhe të marrë milionat e korrupsionit dhe nuk ndalet as ndaj dhunës së banorëve.
Ata kanë dalë dhe janë përballur me realitetin e dhunës, ndërsa një polici që as e shqiptarëve nuk mund të jetë, kanë sulmuar qytetarët dhe i kanë përplasur banorët në automjetin e policisë në kundërshtim me ligjin. Rama të jetë i bindur se sa më shumë të shtojë dhunën, aq më e madhe do të jetë revolta e qytetarëve. Policët janë duke mbrojtur kreun krimit, kryeministrin e krimit në Shqipëri”, deklaroi ai.
