Një situatë e tensionuar është krijuar në emisionin “Opinion”, ku Alfred Peza ka patur një përballje mjaft të fortë me Gazmend Bardhin. Ky i fundit i ka përmendur pasurinë prej 1 milion euro ish deputetit të PS, Alfred Peza.
Por edhe Peza nuk ia ka lënë mangët sekretarit ligjor në PD, duke i thënë se gjykata e ka shpallur të pafajshëm lidhur me akuzat për pasurinë.
Por debati s’është ndalur me kaq, teksa Peza ka përmendur edhe pasurinë, që sipas tij, zotëron moderatori i emisionit, Blendi Fevziu. Sipas Pezës, Fevziu ka 10 milion euro pasuri, dhe nuk ia përmend njeri.
DEBATI:
Bardhi: Edi Rama me një vendim vjedh 200 milion euro te Teatri
Peza: Për kë 200 milion, për Rrugën e Kombit?
Bardhi: Jo për 1 milionshin tënd
Peza: Këtu s’të lejoj, mos kujto se ajo të bën politikan. Je dhe jurist. Një sekondë. Unë i kam të justifikuara. Vendimet e gjykatave kanë shpallur të pafajshëm, edhe me krime më të rënda se ty
Bardhi: Mos kujto se…
Bardhi: Më lejo të mbaroj…
Peza: Kërko falje, sepse jam shpallur i pafajshëm
Bardhi: Shumë mirë, bravo
Peza: Kërko falje
Bardhi: Të gjithë politikanët e korruptuar janë shpallur të pafajshëm
Peza: Më përfundon duke më akuzuar mua, të kem turp pse jam i pafajshëm
Bardhi: Do mbani përgjegjësi të gjithë nga Edi Rama, edhe ti
Peza: Tenton të më bësh mua me faj, kam dalë i pafajshëm
Bardhi: Ti mos u shqetëso, tik-taku është për çdo shqiptar që ka grabitur
Peza: Pasuria ime është shtuar 0 lekë nga momenti që kam hyrë në politikë. Fevziu ka 10 milion euro pasuri, dhe s’ia përmend njeri
Fevziu: Si, si, si, ku i kam 10 milion euro unë?
Peza: Armand Shkullaku ka vilën 1 milion euro aty, dhe s’i thotë gjë njeri
Fevziu: Peza, fjala jote në vesh të perëndisë, ishalla bëhemi me këtë pasuri, se nuk i kam.
