Një moment tensioni ka ndodhur mesditën e sotme në sallën e Kuvendit, mes deputetëve të opozitës parlamentare. Deputeti Ralf Gjoni është parë të përplaset me deputetin Halit Valteri.
Por ky i fundit nuk e ka kaluar me kaq sherrin me kolegun e tij, Ralf Gjonin, që ndodhi në sallën e Kuvendit. Pasi përfundoi fjalën e tij në foltore, Halit Valteri kishte edhe një kërkesë për Ministren e Shëndetësisë, Ogerta Manastirliu.
Me ironi ai kërkoi që të gjithë deputetëve t’u matej inteligjenca në hyrje të sallës, ashtu siç edhe u testohej temperatura.
“Kam një kërkesë për Ministren e Shëndetësisë, Ogerta Manastirliu. Vendosët matjen e temperaturës në sallë, por bëni edhe testin e inteligjencës se ka idiotë në këtë Kuvend që nuk dinë çfarë flasin”, tha ai.
