Disa të rinj janë përfshirë në një sherr masiv në plazhin e Shëngjinit, duke tërhequr vëmendjen e pushuesve.
Përplasja ka ndodhur ditën e djeshme, ndërsa nuk bëhet me dije shkaku që ka stimuluar këtë konflikt.
Siç shihet edhe në video, forcat e policisë kanë qenë të pranishëm dhe kanë ndërhyrë për të shmangur çdo incident, mirëpo situata ka dalë jashtë kontrollit.
Reagimi i policisë:
Sot, 1 gusht, në njoftimin e saj, policia e Lezhës raporton se kanë qenë 6 persona që janë konfliktuar dhe ata janë proceduar në gjendje të lirë.
“Këta shtetas, më datë 31.07.2019, në Shëngjin, për motive të dobëta, kanë dëmtuar njëri-tjetrin duke u goditur me sende të forta”, sqarojnë blutë.
Njoftimi:
Specialistët e Hetimit të Krimit në Komisariatin e Policisë Lezhë filluan procedimin penal, në gjëndje të lirë, për veprat penale “Dëmtime të tjera me dashje” dhe “Prishja e rendit dhe qetësisë publike” për shtetasit;
-B.P., E.P., B.A., I.P.,E.P., dhe B.A.
Këta shtetas, më datë 31.07.2019, në Shëngjin, për motive të dobëta, kanë dëmtuar njëri-tjetrin duke u goditur me sende të forta
Materialet proceduriale i kaluan Prokurorisë së Rrethit Gjyqësor Lezhë për veprime të mëtejshme
