Shpesh konfliktet në rrugët e Tiranës ndodhin për shkak të bllokimit të një pjese rruge. Sherri që ka ndodhur në afërsi të shkollës “Fan Noli”, ka përfunduar me një të plagosur me thikë.
Një drejtues makine është konfliktuar me dy shoferë furgoni, për shkak se këta të fundit kishin bllokuar rrugën.
Drejtuesi i makinës u kërkonte të lironin rrugën, pasi kishte urgjencë. Të paktën ky ka qenë pretendimi i tij.
Gjatë sherrit, ai ka goditur me thikë njërin prej shoferëve të furgonit, duke e lënë të plagosur. Fatmirësisht, personi i plagosur ndodhet jashtë rrezikut për jetën.
