Kronikë

Plagosi 48-vjeçarin në një lokal në Korçë, vetëdorëzohet pas 4 ditësh i riu

               Publikuar në : 09:22 - 11/09/19 Enno

Vetëdorëzohet në polici, autori i dyshuar i tentativës së vrasjes me armë zjarri të Ilir Hoxhës, 48-vjeç. Shtetasi i ndaluar identifikohet me iniciale J.H., 28 vjeç, banues në Korçë.

Ngjarja ndodhi katër ditë më parë në një lokal në lagjen nr.6 të qytetit të Korçës.

Gjatë marrjes në pyetje nga Specialistët për Hetimin e Krimeve, shtetasi J.H., ka treguar edhe vendin ku kishte hedhur armën e krimit, e cila iu gjet dhe sekuestrua në cilësinë e provës materiale, së bashku me automjetin tip “BMW”.

Njoftimi i plotë:                               

Në vijim të punës për kapjen e autorit të dyshuar të ngjarjes, kontrolleve të shumta të ushtruara nga ana e Policisë Korçë, si edhe falë bashkëpunimit me familjarët dhe avokatin e autorit të dyshuar, u bë e mundur që gjatë mbrëmjes së djeshme shtetasi J.H., 28 vjeç, banues në Korçë, të vetëdorëzohet në ambientet e Komisariatit të Policisë Korçë, i shoqëruar nga avokati i tij.

Ky shtetas ishte shpallur në kërkim për veprat penale “Vrasja me paramendim, mbetur në tentativë” dhe “Mbajtja pa leje dhe prodhimi i armëve e municionit”, në lidhje me ngjarjen e ndodhur mbrëmjen e datës 07.09.2019, ku për motive të dobëta, shtetasi J.H.,ka tentuar të vrasë me armë zjarri tip kallashnikov shtetasin I.H., (i cili për pasojë ka mbetur i plagosur) dhe më pas është larguar nga vendi i ngjarjes me një automjet në përdorim të tij.

Gjatë marrjes në pyetje nga Specialistët për Hetimin e Krimeve, shtetasi J.H., ka treguar edhe vendin ku kishte hedhur armën e krimit, e cila iu gjet dhe sekuestrua në cilësinë e provës materiale, së bashku me automjetin tip “BMË”.

Në bashkëpunim me Prokurorinë, vijojnë veprimet e mëtejshme procedurale.

Kthehu
WhatsApp Denonco ne TT