Një shtetas shqiptar është prangosur nga Sektori i Forcës së Posaçme të Operacioneve Speciale dhe Kërkimit në D.V.P. Tiranë, në bashkëpunim me Interpol Tirana.
Sipas policisë, bëhët fjalë për shtetasin me iniciale M. Xh., 58 vjeç, banues në Tiranë, i shpallur në kërkim ndërkombëtar.
Gjykata e Napolit/Itali ka vendosur ndaj këtij shtetasi masën e sigurisë “Arrest me burg”, për veprën penale “Organizatë kriminale me qëllim trafikimin e lëndëve narkotike”.
Ndërkohë, dyshohet të ketë qenë pjesë në një organizate kriminale gjatë vitit 2016, e cila merrej me trafikimin e lëndëve narkotike të llojit kokainë dhe heroinë nga Holanda drejt Italisë.
