E hënë, 20 Shtator, 2021
28.5 C
Tirana

Pijet alkoolike në Shqipëri kushtojnë më shtrenjtë se mesatarja europiane

Pijet alkoolike në Shqipëri kushtojnë rreth 9% më shtrenjtë sesa mesatarja e Bashkimit Europian për vitin 2020.

E dhëna është bërë e ditur nga Eurostat në publikimin e treguesit për indeksin e nivelit të çmimeve për pijet alkoolike, e llogaritur sipas nivelit të fuqisë blerëse. Për Shqipërinë, ky tregues është 108.9, ndërsa mesatarja e Bashkimit Europian është 100.

Çmimet e pijeve alkoolike në vend janë rritur ndjeshëm në dekadën e fundit, teksa në 2011-n, ato ishin rreth 23.5% më të lira sesa mesatarja e BE-së.

Pijet alkoolike më të shtrenjtat në rajon për vitin 2020 janë në Bosnjë (144.9), Mal të Zi (111.5) dhe pastaj në Shqipëri. Më lirë ato kushtojnë në Maqedoninë e Veriut (76.2) dhe Serbi (81). Për Kosovën, të dhënat e fundit janë në vitin 2017, sipas të cilës pijet alkoolike kushtojnë sa mesatarja e Bashkimit Europian.

Sipas Eurostat, në vitin 2020, çmimi i pijeve alkoolike në të gjithë BE-në ishte më shumë se dy herë e gjysmë më i lartë në shtetin anëtar më të shtrenjtë në krahasim me atë më të lirë.

Kur nivelet e çmimeve krahasohen me indeksin mesatar të nivelit të çmimeve të BE-së 100, rezultatet tregojnë se çmimi i pijeve alkoolike (pije alkoolike, verë dhe birrë) ishte më i larti në Finlandë (me një indeks të nivelit të çmimeve prej 193), i ndjekur nga Irlanda (181) dhe Suedia (166).

Pijet alkoolike më të lirat në Europë i gjeni në Maqedoninë e Veriut (76.2), Rumani (73.8) dhe Hungari (72.7). /Monitor

Lexo edhe :   VIDEO/Përplasja Kosovë-Shqipëri për idenë e "Open Balkan"

- Reklama -

Më shumë nga kategoria




Të fundit

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...

Debati në PD, Basha-Berisha na sjell edhe njëherë debatin për sovranitetin

Nga: Ben Andoni Në Shqipëri është e prerë dhe e menjëherë-pranueshme se nëse e thotë diçka apo e artikulon ambasadori i SHBA-së, atëherë deklarata ka...