Tërmeti i 26 nëntorit ka lënë pas dëme të mëdha, ku qindra banesa janë shpallur të pabanueshme si pasojë e dëmtimeve në infrastrukturë.
Të njëjtin fat pat edhe godina nr15 në Qytetin Studenti, e cila banohej prej kohësh nga familjarë dhe jo studentë. Godina në fjalë u shemb para 2 ditësh pasi kishte pësuar dëme të parikuperushme.
Mirëpo një nga personat që u prek nga kjo gjë ishte edhe pedagogu i njohur i Universitetit Politeknik, Klement Qerimi. Përmes një postimi në Facebook, pedagogu tregon se nga tërmeti i 26 nëntorit ka pësuar dëmtime në hundë dhe në sy.
Sipas tij, ai ka pësuar hemorragji në sy dhe duhet të operohet sa më parë në mënyrë që të shpëtojë shikimin. Qerimi iu bën apel njerëzve që të kontribuojnë në koston e operacionit prej 4000 eurosh, pasi ai nuk mund ta mbulojë dot vetë.
E si të mos mjaftonte e gjithë kjo tashmë pedagogu është edhe pa një shtëpi, pasi godina nr 15 ku ai jetonte është shembur.
Postimi i plotë:
Të dashur të afërm dhe miq. Arsyeja që kam dalë në Fotografia me syze është për shkak të një goditje në sytë nga tërmeti.
Fillimisht nuk ndjeva ndonjë gjë se goditja kryesore ishte në hundë dhe të dy sytë më shkrepetinë pas saj. E trajtova me qese me akull në shtëpi duke menduar se ishte kalimtare. Por në datën 5 Dhjetor na nxorrën nga Godina 15 ne prag shembje!
Falenderoj kushëririn e gruas sime, Aniles, Z Kujtim Xhaferllari që na strehoi. U vizitova te Spitali Francez te Nënë Tereza dhe ngaqë kisha pamje të turbullt më dhanë mjekim antinflamaror dhe për tension syri. Meqë nuk u përmirësova sot bëra një vizitë të Spitali ortodoks dhe me dërguan për vizitë dhe diagnostikim me të speciaëizuar të Spitali Amerikan. Atje zbuluan që kam hemorragji në sy.
Duhet të operohem sa më parë që të shpëtoj shikimin. Kush mundet të më ndihmojë me çdo lloj shume që mundet të kontribuojë direkt në Llogarinë e Operacionit që do hap se shpejti se.kam pothuaj 25 vjet pedagog e banoj me qera. Kontaktoni direkt me tel për më tepër sqarim në nr tim personal
+ ,355 698780872
ME respekt e mirënjohje
Klement Qerimi
Bëhet fjalë për një shumë 4000 Euro gjithsej për dy operacione.
Mesazhet më ndihmuan ti shkruaj këto ditë njerëzit e familjes.
Kërkoj lutjet dhe ndihmën tuaj.”
