Prangosja e ish-drejtorit të ARRSH-së, i cili ishte mbante postin nga radhët e LSI-së, ka vënë në lëvizje Gjykatën e Krimeve të Rënda, ndërsa numri i të arrestuarve ka shkuar në tre.
Deputetja e LSI-së, Kejdi Mehmetaj ka reaguar me anë të një postimi në rrjetin social “Facebook” pas vendimit ndaj Dashamir Xhikës, i cili u la në burg nga Gjykata e Elbasanit.
Sipas Mehmetajt, frika që ka kapur kryeministrin Rama po nxjerr në shesh uzurpimet, që ka bërë ndaj institucioneve të drejtësisë shqiptare, duke shtuar se disa nga ministrat e Ramës sot duhet të ishin në burg për shkak të abuzimeve me postin.
Për Mehmetaj, ministrat Simir Tahiri, Damian Gjiknuri, Ilir Beqja dhe të tjerë ministra duhet të ishin sot pas hekurave. Ndërkohë ajo shton se Xhika do të faktojë pafajësinë e tij, ndërsa shton se çfarë do iu mbetet “peshqve të mëdhenj” përballë popullit.
Statusi i Mehmetaj:
Frika që ka kapur Edi Ramën po nxjerr në shesh uzurpimin që i ka bërë institucioneve të drejtësisë. Asgjë që KM po bën nuk do e ndalojë popullin të tërhiqet nga rruga që ka nisur për ta hequr atë nga karrigia që po mban peng.
Gjyqet politike që ka nisur nuk i mbulojnë dot dosjet që po lë në heshtje prokuroria e kapur. Tahiri, Gjiknuri, Beqja, të tjerë ministra dhe Rama vet do duhej të ishin sot mbas hekurave.
As arrestimet në mes të natës, as urdhri i prerë që ditën e diel të vazhdoheshin sulmet politike, nuk fshehin dot zullumet e kësaj qeverie të cilës gjella e tepsisë u është djegur e tymi është shpërndarë gjithandej.
Zoti. Xhika do e provojë pafajësinë e tij përballë drejtësisë, po ju o peshqit e mëdhenj çdo ju mbetet përpara popullit !?
