Presidenti i Turqisë, Recep Tayyip Erdogan, në një intervistë për gazetën italiane “La Stampa”, është shprehur se pritshmëria e Turqisë nga BE-ja është të heqë sa më parë pengesat artificiale dhe të ndjekë një qëndrim konstruktiv. Erdogan ka theksuar se anëtarësimi i Turqisë në Bashkimin Evropian nuk duhet të sakrifikohet për llogaritë e brendshme politike.
Në gazetën “La Stampa” është publikuar intervista speciale që Presidenti Erdogan ka dhënë përpara vizitës si tij që do të fillojë sot në Vatikan dhe Itali. Në intervistën me titull “BE na prano brenda“.
Për pyetjen nëse i beson ende Turqia anëtarësimit në BE, Erdogan, ka theksuar: “Turqia po i përmbush detyrimet e saj si një vend kandidat, por procesi i anëtarësimit nuk është një proces që ne mund të përparojmë të vetëm. Edhe BE-ja duhet të përmbushë atë që i takon. Para së gjithash, duhet të mbahen premtimet e dhëna ndaj nesh. Në negociatat e pranimit BE edhe po na bllokon, por edhe po na tregon si përgjegjës për mos përparimin e procesit. Kjo është e padrejtë. Është gjithashtu e padrejtë që disa vendet anëtare të BE-së paraqesin alternativa të ndryshme për Turqinë“.
Erdoğan është shprehur se dëshira e Turqisë është për anëtarësim të plotë në BE dhe se opsionet përtej kësaj nuk janë shumë të kënaqshme.
Në lidhje me Samitin e BE-së që do të mbahet në Varna në mars gjatë presidencës së BE-së të Bullgarisë, Erdogan theksoi: “Borisov (Kryeministri i Bullgarisë), Juncker (Presidenti i Komisionit të BE-së) dhe Tusk (Presidenti i Këshillit të BE-së) janë miqtë e mi të vjetër. Brenda BE-së nuk ka politikan më me përvojë se unë, por ka diçka që më bën të trishtuar. Tek Europa dhe në pjesën tjetër të mbetur të botës ka një problem me terrorizmin. Në rastin e PKK-së, ajo është pranuar organizatë terroriste nga BE-ja dhe çdo shtet anëtar, por më pas vëreni se një grup lejohet që të hyjnë në Parlamentin Europian me leckat e PKK-së. Këto janë gjëra që nuk duhet të ndodhin. Në njërën anë Evropa e ka ndaluar këtë organizatë dhe nga ana tjetër ka dhe parlamentarë që fusin simbolet e tyre në parlament“.
Presidenti i Turqisë ka deklaruar se çështja kryesore gjatë vizitës në Vatikan do të jetë “situata e Jerusalemit” dhe ka rikujtuar se me Papa Françeskun kanë biseduar pas vendimit kundër të drejtës ndërkombëtare të presidentit amerikan, Donald Trump, për Jerusalemin, shkruan aa.
“Dëshiroj ta falënderoj atë për bisedën në çështjen e Jerusalemit. Papa Françesku, nuk humbi kohën në çështjen e Jerusalemit dhe përcolli mesazhin e drejtë në botën e krishterë, sepse Jerusalemit nuk është vetëm një problem i myslimanëve. Të dy ne mbrojmë statusin e Jerusalemit dhe ne kemi vullnetin për ta mbrojtur atë. Asnjë komb nuk ka të drejtë të ndërmarrë hapa të njëanshëm dhe të injorojë të drejtën ndërkombëtare në një çështje që kanë të bëjnë me miliarda njerëz. Rezoluta e miratuar më 21 dhjetor 2017 në Asamblenë e Përgjithshme të OKB-së gjithashtu konfirmoi se vendimi i SHBA-ve ishte i paligjshëm. Isha i kënaqur që ky vendim u favorizua edhe nga Italia. Siç mund ta shihni, përkrah Amerikës së Madhe, u ndodhën vetëm Izraeli dhe 5-6 vende të vogla“, tha presidenti i Turqisë.
