Para nisjes së punimeve të Kuvendit, ndërkombëtarët janë në lëvizje duke zhvilluar takime me drejtuesit e institucioneve të drejtësisë. Ambasadorja amerikane, Yuri Kim, ka zhvilluar një takim me kreun e SPAK, Arben Kraja. Diplomatja amerikane njofton se SHBA pret që SPAK të ndjekë penalisht korrupsionin dhe krimin e organizuar, pa marrë parasysh sa i fuqishëm apo i pasur është subjekti dhe pavarësisht se cilës parti i përket.
“U takova me kreun e SPAK, Arben Kraja, për të nënvizuar pritjen e SHBA që SPAK do të luftojë korrupsionin dhe krimin e organizuar, pa marrë parasysh sa i fuqishëm apo i pasur, pavarësisht se cila parti. Me më shumë prokurorë dhe hetues të rinj të BKH, SPAK po jep gjithnjë e më shumë rezultate çdo ditë”, shkruan ambasadorja.
“Që nga fillimi i vitit 2021, SPAK ka hapur 264 hetime të reja (218 korrupsion + 46 krime organizative). 127 persona janë dënuar. Vendimet përfundimtare të gjykatës konfirmuan konfiskimin e më shumë 70 milionë eurove që tani i janë transferuar shtetit shqiptar. Hap pas hapi…”, përfundon ambasadorja amerikane.
