Shumë është folur gjatë ditëve të fundit për pacientët që vetëhidhen dhe çfarë nuk shkon tek mjekimet. Po kështu edhe zërat që flasin se nuk lejohen telefonatat tek të infektuarit, ndonëse ministrja Manastirliu konfirmoi se kjo nuk është e vërtëtë. Pasi pjesë e protokollit janë edhe telefonatat e pacientëve me familjarët e tyre, duke u dhënë ngrohtësinë e duhur.
Nga ana tjetër, kryeministri Rama tha se telefonat nuk lejohen as në spitalet Covid të vendeve të zhvilluara, duke shtuar se pavionet nuk janë stadiume apo dasma për të bërë video.
“Çfarë domethënë kjo, pse nuk i lënë telefonat në pavionët Covid? Po kush t’i lë telefonat në pavionët Covid në cilën vend, në Itali, Amerikë? Ç’a është spitali Covid? Stadium apo dasmë për të bërë video”, tha Rama.
Për sa i përket ambulancave shtoi: “Nuk janë autoambulancat e Peço Vasilit dhe Tritan Kryemadhit. Janë autoambulanca të pajisura me instrumentet për të sëmurët përkatës. Çdo me thënë kjo, rrinë njerëzit në ambulanca se s’kanë vend në spital”.
