Një 39-vjeçar nga Tirana është arrestuar gjatë ditës së sotme për veprën penale “Përndjekje”.
Sipas policisë, shtetasi Gj.Sh është arrestuar pasi në mënyrë të vazhdueshme ka përndjekur një vajzë të moshës 27-vjeçare.
Ndërkohë, policia njofton se është ndaluar edhe një 35-vjeçar, i cili pak ditë më parë i kishte vjedhur një gruaje në rrugë, një varëse floriri. Pas ndalimit të tij, u zbulua se ky shtetas ishte autor edhe për një vjedhje tjetër të ndodhur brenda këtij muaji.
Njoftimi i policisë:
Nga Komisariati i Policisë Nr.2 u bë arrestimi në flagrancë për veprën penale “Përndjekje”, i shtetasit:
– Gj. Sh., 39 vjeç, banues në Tiranë.
Arrestimi i këtij shtetasi u bë, pasi ky shtetas në mënyrë të vazhdueshme ka përndjekur një 27-vjeçare.
Nga Komisariati i Policisë Nr.4 u bë ndalimi për veprën penale “Vjedhje me dhunë “, i shtetasit:
– E. B., 35 vjeç, banues në Tiranë.
Ndalimi i këtij shtetasi u bë, pasi më datë 25 shtator 2019, në rrugën e “Dibrës”, ky shtetas i ka vjedhur me dhunë varësen e floririt shtetases M. P. Nga tërësia e veprimeve hetimore të kryera rezulton se ky shtetas është autor edhe i “Vjedhjes me dhunë” të varëses së floririt të shtetasit A. H., ngjarje e ndodhur më datë 18 shtator 2019 në rrugën “Sytki Çiço”.
Materialet procedurale i kaluan për veprime të mëtejshme Prokurorisë së Rrethit Gjqësor Tiranë.
