Një i mitur ka goditur në shpatull me armë sportive dajën e tij, shtetasin me inicialet Nj. L., 28 vjeç, banues në Përmet. Ngjarja dyshohet se është aksidentale.
Policia ka njoftuar se i plagosuri ndodhet në Spitalin e Gjirokastrës, jashtë rrezikut për jetën.
Ngjarja ka ndodhur një ditë më parë, rreth orës 14:30, në Përmet, ku shtetasi i mitur me inicialet R. U., ka qenë duke luajtur në oborrin e banesës.
Specialistët e Seksionit të Hetimit të Krimeve në Komisariatin e Policisë Përmet, referuan materialet në Prokurorinë pranë Gjykatës së Shkallës së Parë Përmet dhe për shtetasin B. A., 38 vjeç, banues në Përmet, i cili dispononte armën sportive pa lejen përkatëse. Ndërkohë grupi hetimor sekuestroi në cilësinë e provës materiale armën sportive.
