Ish- zëvendës drejtori i Hekurudhave, Artur Mahmutaj, i cili është arrestuar në Itali, si një prej drejtuesve të një grupi që trafikonte kokainë nga Amerika e Jugut, ka qenë në përgjim nga policia italiane.
Në një artikull të publikuar nga mediat italiane bëhet e ditur se ai dhe anëtarët e tjerë të organizatës, janë përgjuar në saj të aktiviteti të tyre kriminal. Ata nuk kishin para të thata në dorë, ashtu si kishte ndodhur zakonisht. Shpesh ata fjalën ‘bukë’, e përdornin si kod për fjalën kokainën. Vlera e kokainës së kapur i kalon 3 milionë eurot, shumë që do të ndahet në pesë pjesë. Roca përgjohet duke folur me Artur Mahmutajn, shqiptarin 37-vjeçar, i njohur në Shqipëri si zëvendës drejtori i Hekurudhave, para se të përfundonte në telashe dhe t’i hynte rrugës së drogës. Ata nuk e dinë se ndërkohë që flasin po regjistrohet gjithçka.
“Na takojnë 14”- thotë Rocca.
“Për t’u ndarë”- i kujton Mahmuataj.
Më pas, shton “edhe një më tepër”.
Operacioni antidroge u krye nga forcat e Komandës Provinciale të Guardia di Finanza në Xhenova, duke u finalizuar me sekuestrimin e më shumë se 77 kg kokainë të pastër. Droga u gjet në kontenierin e një anije mallrash, që ishte ankoruar në port. Operacioni i koduar “Rebuffo” është finalizimi i hetimeve komplekse të kryera prej disa muajsh nga policia italiane. Nga përgjimi i bisedave, është arritur identifikimi dhe arrestimi i 5 personave, dy shtetasve shqiptarë, që dyshohet se janë organizatorët e trafikut dhe 5 italianëve. Arrestimi i 37-vjeçarit Artur Mahmutaj, u bë publik nga të gjitha mediat italiane paraditen e djeshme. Ai, bashkë me një tjetër shqiptar, 38-vjeçarin Besnik Dauti dhe tre italianë, u arrestuan për trafikimin e një sasie prej 77 kg kokainë të pastër. Ndërsa, sipas Guardia Di Finanza që realizoi operacionin, dy shtetasit shqiptarë ishin organizatorët e trafikut ndërkombëtar të drogës. Përveç dy shqiptarëve, është arrestuar edhe shtetasi italian Carmelo Rao, i cili ishte edhe personi i ngarkuar me transportimin e drogës.
