Pak ditë më parë, SPAK prangosi 11 persona në Lushnje, përfshirë edhe kreun e Bashkisë për korrupsion në lidhje me ndërtimin e një kanali vaditës me vlerë 24 milion lekë. Gjithçka nisi nga ankesa që dy kompanitë e skualifikuara nga gara bëjnë në Agjencinë e Prokurimeve Publike në lidhje me vendimin e Komisionit të Vlerësimit të Ofertave në Bashkinë e Lushnjes.
Në dosje zbardhen biseda të biznesmenit Ibrahim Lami që ka në pronësi firmën Loti Sh.p.k që ka rezultuar fituese e garës për rehabilitimin e këtij kanali vaditës, me ish-kryebashkiakun Tushe. Biznesmeni që mori të gjitha fitimet e tenderit për rehabilitimin e kanalit ujitës, Ibrahim Lami, kishte njohje me kryebashkiakun Fatos Tushe. Madje në një nga bisedat rezulton se Lami ka ndërhyrë që vajza e Fatos Tushes, të marrë provimin në degën e Stomatologjisë.
Pjesë nga dosja
Bisedat e zhvilluara midis Fatos Tushes, me detyrë kryetari i Bashkisë Lushnje dhe shtetasit Ibrahim Lami në datat 24-25 shtator 2020, dëshmojnë se ata njihen dhe kanë miqësi me njëri-tjetrin.
Fatos Tushe: Hë si u gdhive, ça po bën?
Ibrahim Lami: Hiç si u gdhive ti, ça bën?
Fatos Tushe: Unë nuk erdha dot se fola edhe e atë dhe e lashë javës tjetër, por unë nesër do jem në Tiranë se goca provimin dhe do flemë atje….se më morën mjes këta Erjon…me këta raportimet… për këtë tërmetin se u ndje shumë këtu…dola tu pi cigare
Ibrahim Lami: E ngjova, e ngjova. Në Lushnje ishte ajo
Fatos Tushe: Ti ça bën
Ibrahim Lami: Hiç, ja piva një kafe me B… dhe tha bëjeni mbledhjen vetë se do flas vetë me Fatosin
Fatos Tushen: Epo mirë të jetë mirë… a vajti në Parlament mo
Ibrahim Lami: Po vajti, biles e çova unë
Fatos Tushe: Pse s’ishte ai djali, apo i dha dërmën atij prapë?
Ibrahim Lami: Jo mo s’i dha dërmën, por më dha ky nja dy fletë rapi për te puna dhe atj lart dhe hajd isha për mbarë
Në bisedën 25/09/2020 njoftohet se shtetasi Ibrahim Lami ndërhyn për një provim që ka vajza e Fatos Tushes
Ibrahim Lami: Alo si u gdhive, ajo sot në 11 ka atë të Mjekësisë atë konkursin dhe në 2 të Stomatologjisë
******23: dy… po ai i jot është aty….po mirë ja të marr dikë në telefon dhe të ta çoj numrin unë megjithëse nuk e takon dot sot se është mbyll krejt perimetri, as hyn as nuk del njeri aty
Ibrahim Lami: Po sot është konkursi…po ça bohet, ça zgjidhje ka?
*****23: Vetëm ta marr pasdite në telefon unë atë. Se duhet t’ia kishim thënë përpara ne asaj… që dje…t’ia kishim thënë dhe ta takofshim se sot I kanë fikur telefonat dhe as për të dalë përjashta nuk të lënë….po të shkoj ta shofi…nejes të hyjë tashti dhe ta takojnë pasdite nesh mund të bëjë ndonjë gjë…të shohim pasdite ta marr unë në telefon pas konkursit dhe të shohim ça mund të bëjë
Ibrahim Lami: Po mund të na ndihmojë thu…
*****23: Po unë do i them…bëje dhe një kafe dhe do ja japim, ajo do shofi interesin e vet e pra
Ibrahim Lami: Po është përgatit ajo goca re. po a është e vështirë….
*****23: Po nëse është përgatit është në rregull mos e vrit mendjen….vetëm të mos jetë shumë mbrapa atyre vendeve që futen…po po qe afër një shtyrje ja japim
Ibrahim Lami: eeee jo se nuk do jetë shumë mbrapa
Ndërkohë biseda e datës 26/09/2020 njofton se shtetasi Ibrahim Lami ka në administrim firmën Loti Sh.p.k. Kjo firmë rezulton se në bazë të procesverbalit për kqyrjen dhe marrjen e të dhënave nga internet të ketë dalë fituese në prokurime të zhvilluara në Bashkinë Lushnje.
