Një test i ri për identifikimin e shpejtë të koronavirusit do të jetë i gatshëm brenda muajit mars.
Kështu bën me dije kompani shumëkombëshe “DiaSorin” që operon në segmente të imunodiagnostikës dhe diagnostikimit molekular.
Kompania ka njoftuar se ka përfunduar studimet e nevojshme për lançimin e tij. Sipas kësaj kompanie, ky test do të mundësojë marrjen e rezultateve në vetëm 60 minuta, në krahasim me 5 apo 6 orët që marrin pajisjet e tjera për ta marrë rezultatin.
Testi do të hidhet në treg në Evropë dhe do të prezantohet pranë administratës amerikane për ushqimin dhe administrimin e ilaçeve që duhet të japë autorizimin brenda fundit të marsit.
Ky test mund të diagnostikojë edhe gripet sezonale, si edhe një seri infeksionesh virale dhe bakteriale të tjera.
