Në një kohë kur vendi është tërësisht në izolim për shkak të koronavirusit, “Fundjavë Ndryshe” është mobilizuar për t’u qëndruar më pranë se kurrë nevojtarëve dhe atyre që janë në mëshirë të fatit.
Një javë përpara se COVID-19 të prekte edhe vendin tonë, fondacioni i njohur nisi përgatitjet në mënyrë që t’i paraprinte situatës.
Marrë shkas nga ajo çka po ndodhte në shtetin fqinj, Itali, “Fundjavë Ndryshe” filloi paraprakisht që të përgatiste pako ushqimore.
Ndërkohë ajo që pritej, ndodhi…
Tashmë prej një muaji koronavirusi fatkeqësisht ka trokitur edhe në “derën” e Shqipërisë, mirëpo nevojtarët nuk i gjeti vetëm.
Tonelata ushqimore janë shpërndarë çdo ditë, derë më derë nga “Fundjavë Ndryshe”.
https://www.instagram.com/p/B-r4nLPjeJJ/
Së fundmi, përmes postimeve në rrjetet sociale, Drejtuesi i “FFN” Arbër Hajdari ka bërë me dije se po përgatiten mijëra pako të tjera ushqimore.
“Në shërbim të njerëzve në nevojë, duke mposhtur lodhjen, orar pa orar, mundohemi të bëjmë maksimumin!
Po bëjmë gati mijëra pakot e rradhës, e nga nesër rinisim sërish shpërndarjen masive.
Do ta kalojmë bashkë ❤️ Faleminderit nga zemra bamirësve! “Bamirësia nuk të varfëron” E dielë 12 Prill 2020”, shkruan Hajdari.
Siç mund ta shikoni edhe në fotot e mëposhtme, në ambientet e Qendrës së Solidaritetit, gjenden pako të shumta, gati për t’u shpërndarë masivisht në ditët në vijim.
Kësisoj, misioni i “Fundjavë Ndryshe” për të ndihmuar shtresën vunerabël, vijon, edhe në këto ditë ku kushtet për hir të së vërtetës nuk janë aspak favorizuese.
