Kryeministri Rama ka bërë me dije nëpërmjet një postimi në Facebook, se kanë përfunduar punimet për rilindjen e shkollës së parë të shkatërruar nga tërmeti i vitit të shkuar.
Shkolla 9-vjeçare “Shaqe Mazreku” në Durrës u shkatërrua gjatë tërmetit të 26 nëntorit të vitit të kaluar, dhe sipas videos së publikuar nga kryeministri, shkolla është rindërtuar sipas parametrave bashkëkohorë.
“Mirëmëngjesi dhe me kënaqësinë e ndarjes me ju të lajmit të përfundimit të punimeve për rilindjen e shkollës së parë të shkatërruar nga tërmeti i vitit të shkuar, ju uroj një javë të bukur si kjo shkollë“, ka shkruar kreu i qeverisë në postimin e tij në Facebook.
