Përfundon mbledhja e Grupit Parlamentar të opozitës së bashkuar për Reformën Zgjedhore.
Ndërkohë pas mbledhjes, ish-deputeti i PD-së, Oerd Bylykbashi, u shpreh se ka propozime konkrete sa i përket procesit të votimeve. Sipas tij, çështjet themelore në planin e tyre, janë lufta ndaj shit-blerjes dhe manipulimit të votave.
Sa i përket Reformës Zgjedhore, ai tha se opozita vijon t’i qëndrojë propozimit me 5 pika.
“Votimi dhe numërimi elektronik një nga prioritet më të rëndësishme. Duhet të luftojmë shit-blerjen dhe manipulimin e votës, nëpërmjet marrjes së kartave të identitetit.
Një nga zgjidhjet që do të na ndihmojë të luftojmë manipulimin që bëhet në qendrat e votimit, do bëjë të mundur heqjen e duarve të komisionarëve që me urdhër politik nga mazhoranca vjedhin vota. Kemi disa propozime. Zgjidhjet tona janë plotësisht të realizueshme, por janë ende në diskutim
Për Reformës Zgjedhore, propozimi ynë është i qartë në tryezë me planin 5 pikësh, mazhoranca ka vazhduar me zgjidhjen e saj. Ju e keni parë që mazhoranca nuk dëgjon nga ai vesh. Për këtë arsye ne nuk mund të qëndrojmë”, deklaroi ai.
