Ka përfunduar disa minuta më parë mbledhja e grupit parlamentar të Partisë Socialiste.
Mbledhja e zhvilluar në Elbasan zgjati rreth 90 minuta, ku Rama i ka përcaktuar detyrat deputetëve në prag të zgjedhjeve të 2021.
Kreu i qeverisë do të jetë përkohësisht drejtues politik i Durrësit. Ndërkohë, bëhet me dije se Rama i ka besuar Safet Gjicit drejtimin politik të qarkut të Kukësit. Ndërsa në Shkodër drejtues i qarkut është caktuar Ilir Beqja.
Në Lezhë rikthehet Lindita Nikolla, ndërsa sa i përket Tiranës ka një ndarje. Drejtuesi politik për Bashkinë do të jetë Erion Veliaj, ndërsa për kryeqytetin në nivel qarku do të jenë Elisa Spiropali dhe Ervin Bushati.
