Aktori Laert Vasili, ka shkaktuar një situatë aspak të këndshme në emisionin “PolitikOn”, ku gjatë gjithë debatit shfaqte shenja se ishte i dehur. Ai gjatë gjithë emisionit është parë duke bërtitur me zë të lartë dhe duke shkaktuar zhurmë.
Aktori që prej shumë kohësh ka dalë si analist në studio televizive, dhe i rreshtuar haptaz kundër kolegëve të tij që kërkonin mbrojtjen e Teatrit Kombëtar, ka dhuruar një shfaqje banale në gjendje të dehur.
Ndonëse aty e kishte thirrur Alfred Lela, Vasili shprehej se e kishte ftuar në emision Artur Zheji, i cili faktikisht ka kohë që është larguar nga ky televizion.
“Ju që drejtoni emisione mediatike dhe politika shqiptare është e shitur kokë e këmbë. Heronjtë shqiptarë nuk kanë një bust ose një monument. Këta heronj janë të pështyrë dhe të përdhosur nga politika shqiptare. Shqiptarët patriotë le të shohin Marko Boçarin, jo politikanët shqiptarë se janë të shitur”, tha ai.
