Numri 2 i Partisë Demokratike, Edi Paloka, ka reaguar përmes një postimi në Facebook për deklaratën e kryeministrit Rama, ku u shpreh se “Hapen apo jo negociatat, dielli do të lindë sërish nesër”.
Ai me ironi thotë se kryeministri Rama është kthyer me ligj si pronar i vendit. Kjo lidhet me faktin se dje Kuvendi miratoi ligjin e “Korporatës së Investimeve”. Ligji pritet të ketë impakt të gjerë, veçanërisht mbi pronësinë e tokave me vlerë miliarda euro të bregdetit shqiptar.
Ligji problematik mori 77 vota “pro”, vetëm 19 vota “kundër”, ndërkohë që 3 abstenuan. Duke qëndruar në të njëjtën linjë, Paloka shprehet më tej se Kuvendi votoi ligjin që e bën Ramën pronar të të gjithë pronave në bregdet, të atyre publike dhe private.
Statusi
“Hapen apo nuk hapen…?”
Nderkohe Rama u be me ligj pronar i gjithe vendit.
Dje “parlamenti” votoi ligjin qe e ben Ramen pronar te te gjithe pronave ne bregdet, te atyre publike dhe private.
Ligji i ashtuquajtur i “Korporates” qe votuan kukullat e Rames, i jep te drejte ketij te fundit qe jo vetem tokat dhe pronat publike , por dhe ato private , t’ju a “shtetezoj” pronareve legjitime dhe t’ju a kaloj pese oligarkeve te tij ne se keta do i kerkojne per gjoja investime madhore…
Ne vend qe te terhiqej nga ligji per Teatrin, ku i jep pronen publike Fushes per kulla private, shkon dhe me tej; tani mund t’ju marre dhe pronat private qytetareve e t’ja kaloj “fushajve” te tij. Jo per investime strategjike te shtetit po per interesa direkt te oligarkeve, pra per interesin e tij.
Me konkretisht ; ne se neser nje prej oligarkeve do paraqes tek Rama nje projekt per resort turistik ne bregdet , atehere me ligjin qe miratoi, Rama ju a “shtetezon” per dy lek pronen pronareve te ligjshem dhe ja kalon oligarkut qe te ndertoj resortin e tij privat…
Per ata qe mendojne e shprehen se “nuk do te arrij deri aty” , i kujtoj femijet qe nxorri nga shtepite me gaz helmues ne 4 te mengjesit tek Bregu i Lumit…
Per mendjen e Rames eshte shume e thjeshte; perderisa te gjitha cfare po ju ben ai shqiptareve, ju a ka bere dhe diktatori me pare , atehere cfare e pengon ate t’ju a beje ?
A nuk ju a rrembeu dhe Enveri tokat e pronat dikur pronareve te ligjshem dhe u be vete pronar i gjithe Shqiperise?
Prandaj , hapen apo nuk hapen negociatat, per Ramen “dielli do dal perseri”. Per shqiptaret do pllakosi dhe nje here erresira.
