Partia Demokratike ka reaguar pas shifrave të publkuara nga kryeministri, Edi Rama sipas të cilit borxhi publik ishte më i lartë në vitet 2006-2013, periudhë kur qeverisën të djathtët.
Por, eksperti i ekonomisë në PD, Dorjan Teliti përgënjështroi kryeministrin duke thënë se gjatë atyre viteve, borxhi publik u rrit me vetem 10% të PBB-së, me të cilat u kryen investime të shumta.
Sipas tij, borxhi publik nënë qeverisjen e PS borxhi u rrit me 29% të PBB-së.
Teliti u shpreh se familjet shqiptare sot kanë një borxh 50% më të lartë sesa 7 vite më parë.
Postimi i Telitit në Facebook
Më kot krahasoheni me ne.
2006-2013 borxhi publik u rrit me vetem 10% të PBB-së (përfshirë detyrimet e prapambetura), me të cilat u ndërtuan dhjetëra spitale, qindra shkolla, mijëra km akse rrugore, përfshirë këtu rrugën e kombit. 2006-2013 ulëm taksat dhe rritëm pagat e pensionet.
Ndërsa 2014-2020, borxhi u rrit me 29% të PBB-së (përfshirë detyrime të prapambetura dhe PPP) dhe i vetmi investim i plotë që keni kryer është bypass Fier prej 22km. Familjet shqiptare sot kanë një borxh 50% më të lartë sesa 7 vite më parë.
Borxhin publik e rritet ju dhe e përdorët për koncesione klienteliste, tendera pa gare, lukse zyrash e udhëtime me charter. Jeni ju që rritet taksat me 2.1 miliardë euro në 7 vite dhe braktisët ekonominë edhe në kohë pandemie.
https://www.facebook.com/DorTeliti/posts/983527515449428
