Pas padisë së ngritur nga Partia Demokratike ndaj ministrit Lleshaj dhe disa efektivëve të tjerë të Policisë për shpërdorim detyre në protestën e opozitës, ka ardhur reagimi i zv.kryeministrit Erion Braçe.
Braçe, përmes një postimi në rrjetin e tij social Instagram është shprehur se Sali Berisha dhe kreu i Partisë Demokratike, Lulzim Basha duhet të hetohen për blerjen e gazit lotsjellës që është hedhur gjatë protestave që opozita e bashkuar ka organizuar.
“Nëse Policia e Shtetit ka përdorur mjete të helmimit masiv, atëherë Sali Berisha dhe dora vetë Lulzim Basha duhen kallëzuar për blerje të mjeteve të helmit masiv. Përgjegjësia politike pastaj është e përbashkët: Kur i blenë vendosën bashkë PD-LSI në qeveri të helmonin masivisht. Kur budallai nuk di çfarë bën!! Faturat e blerjeve, hyrjeve në magazinë etj, i kam unë!”, shkruan Braçe.
Gjithashtu, Braçe ka replikuar me një komentues në Instagramin e tij, i cili pyet se dhe “pas 6 vjetësh qeverisje, fajin e ka akoma Saliu dhe nëse armët helmuese mund të shkatërrohen?”
Ndërkohë, zv.kryeministri i përgjigjet kështu:
“O djalë që të paska tjetërsu Saliu; e para, Saliu ka vrarë njerëz poshtë zyrës së tij, i vrau me pushkë or ti, madje i doli dhe për zot. Do vritsha edhe 400 të tjerë tha. Veç ti se quan këtë.
E dyta, çfarë armësh helmuese flet? E di çështë një armë helmuese a jo? S’ka më armë helmuese në këtë vend se janë shkatërruar me ekspertizë të Nato-s or ti.
Ndërkohë kjo që ti s’bën zë për blerjet e Saliut, është shumë e bukur, po shumë ama.”
View this post on Instagram
Kur #Budallai nuk di cfare ben!! Faturat e blerjeve, hyrjeve ne magazine etj, i kam une!
