Sekretari Ligjor i PD-së, Çlirim Gjata deklaron se kryetarët e Bashkive të opozitës nuk do t’i lënë zyrat pasi sipas tij këta kryetarë kanë me vete dekretin e Presidentit, që i anuloi zgjedhjet më 30 qershor.
I ftuar në emisionin Opinion, Gjata u shpreh se KQZ nuk ka të drejtë të japi asnjë mandat kryetarëve të bashkive dhe se në në një shtet normal, ata do të ishin në burg për arsye të mosrespektimit të dekretit presidencial.
“KQZ është sot e tërë ditën është duke kryer vepër penale, që nuk zbatoi dekretin. Në një shtet normal ata duhet të ishin në burg, me këtë Kod Penal që ne sot kemi në fuqi. KQZ nuk ka të drejt të jap asnjë mandat, kryetarët e bashkive kanë një dekret që s’ka pas zgjedhje. Dekreti është akt kushtetues, se ka hedhur njeri poshtë. Se i është tekur dikujt të shkojë në një ambient e të hedhë ca fletë votimi në një kuti, po jo mo… Edhe ne mund të dalim nesër të bëjmë zgjedhje. Edhe ata që po i liron gjykata (protestuesit), po i lirojnë se ka një dekret”, tha ai.
Më tej Gjata tha se Partia Demokratike do të denoncojë KQZ-në dhe cdo komisioner që ka qenë në detyrë ne datën 30 qershor, duke përsëritur se ata kanë shkelur ligjin.
“Kryetarët e bashkive janë zgjedhur tamam, janë përtej vullnetit të PD, pirjet vullnetit të vetes. Ata e zgjidhin vetë, janë dhe zgjedhësit e tyre që mund të shkojnë të mos i lënë të dalin nga zyra. Kanë marrë mandatin në mënyrë shumë kushtetuese. Këto votime t’i bëri OSBE nul. Qëndrimi hajde ti njohim këto votime dhe kur të bëhet Gjykata Kushtetuese flasim, kjo është anti-kushtetuese”, tha më tej Gjata.
