Pas denoncimit të kryedemokratit Basha për maskat e skaduara, një kundërpërgjigje ka ardhur në kohë reale nga kryeministri Rama.
Me anë të një statusi në Twitter, Rama ia kthen me ironi kreut të PD, duke vënë në dukje se kjo forcë nuk ndalet së kërkuari pushtet veçse me shpifje.
Teksa qetëson qytetarët, Rama citon ndër të tjera se shqiptarët do t’ia dalin mbanë, për të mos u mposhtur para virusit vdekjeprurës, që tashmë ka infektuar 10 persona në Shqipëri.
“Ka vetëm një palë maska të dëmshme në Shqipëri:Maskat e atyre që dhe kur ky vend lufton me jetën nën gërmadhat e tërmetit apo me një virus kërcënues për planetin,s’ndalen së kërkuari pushtet me shpifje,sherr,rrëmujë!Po përsëri Shqipëria do t’ia dalë sepse shqiptarët s’janë vetëm!”, shkruan Rama.
Basha e cilësoi akt kriminal shpërndarjen e maskave të skaduara për mjekët, në këtë kohë kur koronavirusi është përhapur në Shqipëri.
