Rama-Basha-Meta janë takuar kundër Reformës në Drejtësi. Kjo deklaratë ka ardhur nga Myslim Murrizi, ku shtoi se takimi mes palëve solli edhe reagimin e ambasadores së SHBA-së, Yuri Kim.
Deputeti dhe kreu i grupit demokrat në Parlament, Myslym Murrizi tha se kryeministri Edi Rama, kryedemokrati Lulzim Basha dhe presidenti Ilir Meta janë takuar fshehurazi në Golem.
Murrizi: Reagimi i Ambasadës Amerikane ka ardhur pas takimit të Ramës, Bashës dhe Metës në Golem. E dinë këta ustallarë. Z. Duka nuk ka qenë. Nuk besoj se ai sinjal vjen për takimin publik të Metës me aleatët e PD-së, se ai ka qenë i hapur. Takimi i Metës me Bashën, Mediun dhe Dulen e Shehun është takim publik me kamera, ka qenë ditë e enjte në mëngjes. E ka fjalën për takime jashtë kamerës, takimi i këtyre që e quan “thikë pas shpine”. Meta ka firmosur ndryshimin e Kodit Penal, nuk është pjesë e një pazari pas kurrizi. Nuk e ka për takimin legal, po për takimin ilegal.
Koçi: Po të kishte takim të tillë, Meta s’do ishte kaq nervoz.
Murrizi: Ndoshta kanë mbetur të pakënaqur nga takimi.
Koçi: Është riaktivizuar nervozizmi i Metës.
Murrizi: Unë nuk jam psikolog, e njeh ti më mirë. Meta është acaruar për hatër të mospasjes, mendoj se është acaruar nga takimi. Ajo zona ka reaguar për këtë.
