Një ditë më parë, kreu i qeverisë i dorëzoi deputetes së PS, Evis Kushit, postin e ministres së Arsimit, një detyrë që e ka mbajtur më parë Besa Shahini.
Kushi është kundërpërgjigjur me anë të një postimi në rrjetet sociale, ku në mënyrë indirekte iu është përgjigjur akuzave për plagjiaturë të diplomës së saj.
Kushi ka publikuar një foto nga doktorimi në Britaninë e Madhe, teksa shkruan se ky i tanishmi në fakt është provimi më i vështirë.
Studiuesi Vladimir Kola, sot nxori disa fakte ku dëshmonin se deputetja e PS-së është një ndër politikanet që kanë kryer një punim doktorature plagjiaturë.
Duke pasur një profil të ulët politik, Kushi nuk u lakua shumë në media pas marrjes së pozicionit, por së fundmi studiuesi Vladimir Kola ka publikuar një artikull ku fakton se ministrja e Arsimit ka botuar një artikull shkencor me 70% plagjiaturë.
Skandali me plagjiaturat/ Ministrja e re e Arsimit, bashkautore me artikull shkencor 70% të kopjuar
Statusi
Të dashur miq,
Ju falenderoj pamasë për mesazhet tuaja inkurajuese në këtë moment kaq sfidues për mua! Më keni gëzuar, por nuk më keni lehtësuar! Përkundrazi, mesazhet tuaja më bëjnë të ndjehem edhe më e ngarkuar se sa dje kur kryeministri më shprehu vendimin e tij, me barrën e kësaj përgjegjësie të jashtëzakonshme.
Kur mora doktoraturën në Staffordshire University në Britaninë e Madhe, pas pesë vitesh studime e vajtje ardhje mes Elbasanit dhe Stoke-on-Trent mendova se provimet për mua mbaruan.
Por paskam qenë aq gabim sa s’ka! Ky i tanishmi është një provim aq i vështirë sa nuk gjej fjalë ta shpreh! Uroj që të kem ndihmën tuaj dhe të kolegëve të mi të shumtë në botën universitare për t’ia dalë faqebardhë.
Do bëj gjithçka mundem që të nderoj Elbasanin tim, Partinë Socialiste dhe kryeministrin tonë dhe që kur të kthehem një ditë në auditor të kem respektin e të gjithë kolegëve të mi për atë që do të jem si drejtuese e arsimit. Një pedagoge dhe qytetare në shërbim të përulur ndaj komunitetit të madh të dijedhënësve.
Faleminderit shumë edhe njëherë të gjithëve!
Publiée par Evis Kushi sur Mardi 15 septembre 2020
