Policia reagon pas denoncimit të Saimir Tahirit, ja çfarë po ndodh me 50-vjeçarin (FOTO)

Pas denoncimit të bërë nga ish-ministri Tahiri, ku demostronte me anë të dy fotove një makinë që tërhiqte zvarrë një qen, një reagim i menjëhershëm ka ardhur nga blutë e Durrësit.

E trishte dhe neveritese! Kafsha eshte ai ne timon, ata qe heshtin dhe ata qe kane per detyre te reagojne e nuk e kane bere!

Publiée par Saimir Tahiri sur Mardi 15 septembre 2020

Specialistët për Hetimin e Krimeve në Komisariatin e Policisë Durrës, kanë shoqëruar në ambientet e policisë, bashkë me mjetin e tij tip “Renault”, shtetasin F. P., 50 vjeç, banues në Sukth, Durrës.

Në vijim të veprimeve është proceduar penalisht shtetasi F. P., për veprën penale “Keqtrajtimi i kafshëve”.

Lidhur me këtë rast, materialet i kaluan Prokurorisë së Rrethit Gjyqësor Durrës, për veprime të mëtejshme.

NJOFTIMI 

Duke marrë shkas nga një foto e publikuar në rrjetet sociale, ku paraqitej një kafshë shtëpiake (qen), duke u tërhequr pas një makine, në Sukth, Durrës, ju sqarojmë se:

Specialistët për Hetimin e Krimeve në Komisariatin e Policisë Durrës menjëherë identifikuan dhe shoqëruan në ambientet e Policisë, bashkë me mjetin e tij tip “Renault”, shtetasin F. P., 50 vjeç, banues në Sukth, Durrës.

Në vijim të veprimeve u procedua penalisht shtetasi F. P., për veprën penale “Keqtrajtimi i kafshëve” parashikuar nga neni 207/c paragrafi 2 si dhe nga shërbimet e Policisë të Qarkullimit Rrugor është vendosur masë administrative në bazë të dispozitave të Kodit Rrugor, sipas neneve 158, 182 dhe 139/14/5/8.

Materialet i kaluan Prokurorisë së Rrethit Gjyqësor Durrës, për veprime të mëtejshme.

Policia e Durrësit fton qytetarët të denoncojnë në numrin 112 dhe Komisariatin Dixhital, çdo rast të paligjshmërisë në tërësi, duke iu garantuar anonimatin dhe reagim të shpejtë e të paanshëm.