Politikani Paskal Milo tha në emisionin “360 Gradë” në “Ora News”, se deri në fund të prillit mund të gjendet kompromisi politik për zgjidhjen e krizës. Ai po kështu ka shtuar se nuk është në interesin e PS, që të shkojë e vetme në zgjedhje.
“Ne do të zvarritemi deri nga fundi i prillit, kur mbarojnë afatet kushtetuese, për të vënë në rrezik zgjedhjet vendore. Kompromisi për mua mund të bëhet deri në fund të prillit.
Pavarësisht se Partia Socialiste thotë se mund të shkojë e vetme në zgjedhje, nuk besoj se është në interesin e saj që të shkojë e vetme në zgjedhjet vendore. Mendoj që është një kufi i arsyeshëm që të gjendet kompromisi deri në fund të prillit”.
