Për 9 mujorin e parë të vitit 2019, në Tiranë janë dhënë 313 leje ndërtimi, 17% më shumë kundrejt të njëjtës periudhë kohore të një viti më parë. Këto janë dhënat që jepen nga Instituti i Statistikave. Sipas tyre, ka pasur një “vrull” lejesh për dy qytetet kryesore, Tiranën dhe Durrësin.
Gjatë këtyre 9 muajve në Durrës janë dhënë 129 leje ndërtimi. Në 2018 për të njëjtën periudhë ka pasur 118 të tilla.
Nga të dhënat e paraqitura, në të dyja qytetet ka pasur një rritje të ndjeshme të sipërfaqes së ndërtimit. Aktualisht, në Tiranë janë rreth 2400 apartamente bosh, që ende nuk janë shitur.
Ende nuk dihet nëse do të ketë një ndryshim kursi pas kësaj tragjedie. Apo si do të afektojë barra financiare që pritet të llogaritet në numrin e ndërtimeve dhe cilësinë e tyre, dhe si do të reflektohet në çmimet e apartamenteve dhe banesave.
