Ambasadori i BE-së, Luigi Soreca është shprehur se qasja konstruktive me Këshillin Politik do të vazhdojë dhe ditën e nesërme.
Në një prononcim për mediat pas takimit, Soreca theksoi se është e rëndësishme që të përmbushen kushtet e vendosura, që vendi të bëhet pjesë e Bashkimit Evropian.
“Të vazhdojë qasja konstruktive edhe nesër. Kemi pasur një ditë shumë të mirë pune. Ne kemi bashkërenduar punën e anëtarëve të këshillit Politik. Për BE është e rëndësishme që të përmbushen kushtet dhe të nisin anëtarësimin sa më shpejt. Dua të falënderoj palët që mbajnë qasje konstruktive e uroj që dhe nesër të vazhdojnë me këtë qasje konstruktive”, tha ai.
