Kryeministri Edi Rama ndodhet për një vizitë dy ditore në Greqi. Pas takimit me presidentin turk Recep Tayyip Erdoğan, shefi i qeverisë ka takuar dje në një darkë pune homologun e tij grek Kyriakos Mitsotakis. Mediat greke shkruajnë se në tryezë janë diskutuar të gjitha çështjet e mbetura pezull.
Të dy kryeministrat kanë diskutuar për marrëdhëniet dypalëshe, si dhe perspektivën evropiane të Shqipërisë. “Diskutim i veçantë u bë për Pakicën Kombëtare Greke në Shqipëri, e cila duhet të jetë një urë miqësie dhe bashkëpunimi midis dy popujve, ndërsa theksi u vu në forcimin e marrëdhënieve dypalëshe ekonomike dhe tregtare.
Rama e Mitsotakis shprehën kënaqësinë e tyre për integrimin e përkryer, të qetë të qytetarëve shqiptarë që jetojnë në Greqi.
Në fund, ata ranë dakord të punojnë së bashku, në mënyrë që të dy vendet të zgjidhin shpejt çështjet e pazgjidhura në të kaluarën, në një kontekst dypalësh dhe të lëshojnë potencialin e madh që mund të krijojë marrëdhënia strategjike midis dy vendeve”, bën të ditur zyra e kryeministrit Mitsotakis.
