Protesta e opozitës ka sjellë përplasje të dhunshme mes protestuesve dhe policisë te Kryeministria, por kulmin ato e kanë arritur te Parlamenti. Aty janë përdorur masivisht bomba molotov dhe mjete piroteknike nga protestuesit, ndërsa policia i është përgjigjur me ujë dhe gaz lotsjellës.
Pas kësaj situate kaotike ka reaguar sërish ministri i Brendshëm, Sandër Lleshaj i cili bën me dije se janë plagosur 13 efektivë policie. Po ashtu Lleshaj u bën thirrje qytetarëve që të distancohen nga aktet e dhunës.
“13 policë janë lënduar nga dhuna ekstreme e organizuar dhe drejtuar në mënyrë politike. Përsëris thirrjen ndaj qytetarëve që të distancohen nga grupi që sulmon Policinë dhe institucionet!”, shkruan Lleshaj.
13 policë janë lënduar nga dhuna ekstreme e organizuar dhe drejtuar në mënyrë politike.
Përsëris thirrjen ndaj qytetarëve që të distancohen nga grupi që sulmon Policinë dhe institucionet!— Sandër Lleshaj (@SanderLleshaj) May 11, 2019
