Pas përhapjes së koronavirusit, i cili deri më tani ka marrë 2,628 jetë njerëzish, Kina ka ndaluar në mënyrë kategorike konsumin dhe tregtinë e kafshëve të egra.
Raportohet se organi më i lartë në Kinë, Komiteti i Përhershëm i Kongresit Popullor, ka miratuar një rezolutë për të ndaluar konsumimin dhe tregtimin e kafshëve të egra.
Kjo masë vjen për të parandaluar rreziqet për shëndetin publik.
Kafshët e egra janë në mbrojtje të shtetit dhe gjuetia, konsumi apo tregtia e tyre tashmë ndalohen me ligj dhe do të merren masa ndaj personave që e shkelin atë.
Kujtojmë se koronavirusi ka mbërritur deri në shtetin tonë fqinj, Itali, ku 7 persona kanë ndërruar jetë.
