Pas lëkundjeve të fuqishme sizmike në Kroaci, një tjetër tërmet është regjistruar rreth orës 15:36, por këtë herë në Italinë fqinje.
Sipas asaj që raporton EMSC, magnituda ka qenë 4.4 ballë e shkallës Rihter, me epiqendër 22 kilometra larg qytetit të Veronës.
Sipas mediave italiane, fillimisht pati edhe dy lëkundje të tjera sizmike, e para me epiqendër afër Salizzoles (Verona), me madhësi 3.4 e cila u regjistrua në orën 14:02, dhe e dyta me madhësi 2.8, në orën 14:44.
Tërmeti ka shkaktuar panik te qytetarët, teksa nuk raportohen dëme materiale apo të lënduar në njerëz.
Ndërkohë, ditën e sotme rreth orës 12:20, Krocai u trondit nga një tërmet me magnitudë 6.3 ballë. Epiqendra ishte 46 kilometra nga Zagrebi dhe 9 kilometra në jugperëndim të Sisak në zonën e Petrinja.
Lëkundjet e fuqishme janë ndjerë edhe në Bosnje, Hungari, Çeki, Itali dhe në Malin e Zi.
