Koreja e Jugut po kalon një nga situatat më të vështira, teksa janë konfirmuar më shumë se 763 raste me koronavirus.
Deri më tani, koronavirusi i ka marrë jetën 7 personave në Korenë e Jugut. Vendi ka ndërmarrë masa të ashpra duke pezulluar rekrutimet për ushtrinë me 2 javë, pasi 11 ushtarë janë të prekur nga koronavirusi.
Koreja e Jugut është vendi i dytë në botë me më shumë raste të konfirmuara me koronavirus. Vendin e parë e mban Kina, ku edhe “lindi” ky virus. Në Kinë raportohen më shumë se 79 mijë raste të prekurish, ndërsa numri total i viktimave të shkaktuara nga koronavirusi ka shkuar në 2,621.
