Numri i femrave shqiptare që kanë shtrirë suksesin përtej kufijve të vendit është i lartë dhe për hir të së vërtetës ky fakt gëzon pa masë çdo ditë e më shumë gjithë shqiptarët.
Në këtë pikë nuk ka se si të mos na vijë në mendje Dua Lipa e cila ka lindur në Londër e megjithatë gjithnjë është ndjerë krenare për origjinën e saj dhe madje e ka shprehur publikisht këtë.
Më tej, përmendim këngëtaren me famë botërore Rita Orën, e cila për shkak të luftës së përgjakshme të Kosovës është detyruar që së bashku me familjen të shpërngulet në Angli kur ajo ka qenë vetëm 2 vjeç.
Në vijim përmendim Bebe Rexhën e cila edhe ajo, si këngëtaret e lartpërmendura, gjithnjë e ka pohuar me mjaft dinjitet se është shqiptare dhe e adhuron origjinën…
Të tregohemi realistë, artistët shqiptarë që kanë zhvilluar karrierën e tyre jashtë Shqipërisë janë shumë, e duket se atyre do iu bashkohet edhe një tjetër personazh mjaft i njohur publik.
Po flasim për Morena Tarakun e cila para disa orësh ka bërë një deklaratë mjaft të fortë dhe që lidhet pikërisht me faktin e të qenurit e famshme në gjithë botën.
Bukuroshja, e cila prej kohësh tashmë jeton në Turqi, përmes një postimi në llogarinë e saj në Instagram ka paralajmëruar se shumë shpejt e gjithë bota do të flasë për të.
Jemi pakëz të paqartë rreth asaj çka ka dashur të thotë Morena, e megjithatë vlen për t’u theksuar fakti se ajo në dukje është shumë e vendosur në qëllimet që i ka vendosur vetes.
“Emri im është Morena Taraku dhe së shpejti e gjithë bota do ta njohë emrin tim. Mbajeni mend”, shkruan këngëtarja.
Ndërkohë, nuk na mbetet gjë tjetër veçse t’i urojmë shumë suksese artistes në rrugëtimin e saj që siç është i dukshëm shumë shpejt do na bëjë krenarë të gjithëve…
