Pas 5 vitesh bllokimi, më në fund do të hapen Doktoraturat!
Lajmin e mësipërm e ka bërë publik vetë ministrja e Arsimit Besa Shahini, gjatë një dalje për mediat në kuadër të Paktit për Universitetin.
Besa Shahini bëri publik kriterin primar për vijimin e Doktoraturës, sipas të cilit, studentët duhet të kenë bërë publikime në të paktën 3 intervista shkencore ku njëra prej tyre duhet të jetë e një rëndësie tepër të lartë në botën akademike.
“Cikli i tretë i studimeve, kemi mbyll themelimin e programeve të masterave dhe programeve të doktoraturës. Studentët do të atashohen në program. Qëllimi i ligjit të Arsimit të Lartë është që doktoranti t’i kontribuojë shkencës. Studenti duhet të ketë tre artikuj në revista shkencore. Kandidati për doktoraturë duhet të publikojë në revista shkencore. Afatet për aplikimin e doktoraturës është 15 shkurti ndërsa për vitet e tjera duhet të jetë në shtatorin e vitit të përparmë. Aplikimi për 2021 duhet në brenda 15 shkurtit”, ka deklaruar Shahini.
Kjo e fundit gjithashtu është shprehur se aplikimi i fazës së parë do të bëhet elektronikisht.
“Ndryshimi i udhëzimit për programin e studimit. Aplikimi i fazës së parë do të bëhet elektronikisht. Pas aprovimit fillestar është i shtjelluar. Pastaj universiteti kërkon dokumente për fazën e dytë. Edhe ky aplikim do të bëhet elektronikisht. Do të bëhet me adresë elektronike. Po përfundojmë dokumentet që i gjithë aplikimi të jetë online”, tha Shahini.
Ajo u ndal edhe te pakënaqësitë që ka pasur ndaj Rektorit të UT-së, Mynyr Koni, për të cilin u shpreh se vazhdon të shkaktojë probleme:
“Kemi marrë ankesa për UT, kanë ardhur edhe nga struktura drejtuese. Situata nuk është përmirësuar. Unë e shkarkova Rektorin, por Presidenti nuk e pranoi. Rektori vazhdon të shkaktojë probleme. Dhe presidenti në vend të parandalojë këtë vijon të bëjë refuzime. Kam shpresë që zgjedhjet në 2020 të prodhojë udhëheqës në të mirë të UT”.
Pse rrogat rriten në letra, por varfëria rritet në realitet?
