Pas vendimit të Gjykatës për Krimet e Rënda, ish-ministri Saimir Tahiri ka ftuar mediat në një mbledhje ditën e nesërme. Ai ftoi gazetarët, për të ndarë bashkë disa mendime.
“Gjykata tha që nuk jam kriminel apo trafikant, nuk jam pjesë e një grupi kriminal, por kushërinjtë kanë përdorur emrin tim. Kështu që kam shpërdoruar detyrën. As qesh, as qaj dot. Nesër po ju ftoj të ndajmë bashkë ca mendime. Prisni deri nesër”, sqaroi Tahiri.
Ish-ministri u dënua me 3 vite e 4 muaj burg me shërbim prove nga Krimet e Rënda, ndërkohë që do ta apelojë këtë vendim.
