Papa Françesku ka diskutuar mbi sigurinë e pakicës së krishterë të Irakut me një nga figurat më të fuqishme të Islamit Shia, në udhëtimin e tij historik në vend.
Ashtu si shumë komunitete në Irak, të krishterët janë goditur nga valë dhune gjatë dy dekadave të fundit, shkruan BBC.
Zyra e Ajatollahut të Madh Ali al-Sistani, udhëheqësi shpirtëror i miliona myslimanëve Shiitë, tha se bisedimet kishin në focus paqen.
Takimi u pa si një moment shumë simbolik në vizitën e Papës. Pas mbajtjes së takimeve me dyer të mbyllura, al-Sistani ka lëshuar një deklaratë, duke thënë se të krishterët në Irak duhet të jetojnë në paqe dhe të gëzojnë të njëjtat të drejta sikurse irakianët e tjerë.
Papa po zhvillon vizitën e tij të parë ndërkombëtare që prej filimit të pandemisë, dhe gjithashtu ndodhet për herë të parë në Irak.