Dëmtimet duket se i kanë hapur probleme Christian Panuccit me kombëtaren shqiptare. Andi Lila dhe Egzon Binaku janë detyruar të largohen nga grumbullim për shkak të gjendjes jo të mirë fizike. Fillimisht u raportua se do të ishin Ylber Ramadani dhe Keidi Bare zëvendësuesit, por ka pasur sërish ndryshime në listën e teknikut italian.
Ndonëse në orët e pasdites u tha se vend të mbrojtësit të Malmos do të grumbullohej Keidi Bare, Federata Shqiptare e Futbollit ka njoftuar pak minuta më parë se ai që do të vihet nën urdhrat e Panuccit, por Lorenc Trashi, lojtari i Partizanit dhe i përfolur për shumë kohë si një kandidat potencial për ekipin Kombëtar. Mbetet i pandryshuar emri tjetër, ai i Ylber Ramadanit, që zëvendëson të dëmtuarin tjetër, Andi Lilën, që u largua pas shqetësimeve në menisk.
Kujtojmë që Lorenc Trashi është duke zhvilluar një sezon fantastik me Partizanin dhe në rolin e tij është i pazëvendësueshëm. Emri i mbrojtësit është ka qenë mjaft i lakuar në listën e Panuccit edhe më parë, por duket se tani është shansi që edhe trashi të tregojë vlerat me fanellën kuqezi.
