Deputeti Enver Roshi është dërguar mbrëmë me urgjencë drejt Turqisë. Ai ka shfaqur probleme me mushkëritë, dhe për këtë arsye është nisur në Turqi.
Numri dy i PS, Taulant Balla, njoftoi dje nga foltorja e Kuvendit se deputeti Enver Roshi, i cili u infektua nga koronavirusi, është në gjendje të rëndë shëndetësore. “Enver Roshi është edhe kryetar i Komisionit të Shëndetësisë, që është në një gjendje të vështirë në përballjen me sëmundjen, i uroj shërim të shpejtë”, tha Balla.
Në orët e vona të mbrëmjes së djeshme, deputeti Roshi është nisur me avion në Turqi dhe mendohet se do t’i nënshtrohet trajtimit me aparaturën e specializuar ECMO, aparaturë e cila fut oksigjen drejtpërdrejt në gjak dhe heq dioksidin e karbonit.
ECMO është një pajisje që siguron mbështetje jetësore, duke futur oksigjen në gjak dhe heq dioksidin e karbonit. Ajo zëvendëson funksionet e zemrës dhe të mushkërive, derisa ato të kthehen në normalitet.
