Ashtu si në Shqipëri, edhe në Kosovë, javët e fundit ka pasur një rritje të ndjeshme të numrit të viktimave dhe të rasteve të reja me COVID-19.
Ndërkohë, pas përkeqësimit të situatës, kryeministri Avdullah Hoti ka marrë masa urgjente.
Ai ndër të tjera, sapo njoftoi rikthimin e orës policore gjatë natës.
“Nga sonte në Prishtinë, Prizren, Ferizaj, Vushtrri, do të kufizojmë plotësisht lëvizjen nga ora 21:00 deri në orën 5 në mëngjes.
Do të reduktojmë numrin e të punësuarve në institucione, vetëm në staf të domosdoshëm.
Në institucione shëndetësore, do të reduktohen të gjitha shërbimet që janë jo-esecenciale, që presin.
Sa i përket bizneseve… mbyllen të gjitha lokalet e gastronomisë nga ora 21 deri në orën 5 të mëngjesit.
Lejohet puna vetëm në hapësira të hapura.
Numri i njerëzve që shfrytëzojnë një autobus publik, përgjysmohet”, deklaroi Hoti.