Kryeministri britanik, Boris Johnson, ka pohuar se vendi nuk ka teste të mjaftueshme për koronavirusin, në raport me numrin e kërkesave.
BBC raporton se qeveria britanike po harton një listë që përcakton se kush ka përparësi në testime.
“Aktualisht, ne nuk kemi kapacitete të mjaftueshme testuese”, tha Johnson.
Ai pranoi zhgënjimin rreth kërkesës për testime, por tha se kapaciteti po rriten, me qeverinë që dëshiron 500 mijë teste në ditë deri në fund të tetorit.
Deri më tani, Mbretëria e Bashkuar ka regjistruar gjithsej 378.219 raste pozitive dhe 41.684 viktima. Ndërsa, nuk ka asnjë të dhënë për numrin e të shëruarve dhe rasteve aktive në vend.
