Klubi argjentinas, Gymnasia është e gatshme të rikthehet në fushë për të filluar me përgatitjet për sezonin e ri. Por në krye të saj mund të mos jetë trajneri Diego Armando Maradona.
Kjo pasi motra e tij ka rezultuar pozitive me koronavirus. Prandaj menaxheri shëndetësor i klubit, Pablo Del Compare, e ka këshilluar atë që të mos paraqitet në fushën e stërvitjes.
Ai nuk do të paraqitet në fushë, të paktën derisa të marrë rezultatet e testit, të cilit do t’i nënshtrohet ditëve të ardhshme.
“Maradona nuk e ka bërë ende tamponin. Pa dyshim që është person me rrisk. Ne po flasim me mjekun e tij personal. Këshilla ime është që në këtë fazë të parë, Maradona të mos dalë në stërvitje. Si subjekt, ai hyn në grupin e rrezikut. Ka shumë faktorë që mund të rrezikojnë shëndetin e tij në raste infeksioni: pesha e tepërt, presioni i lartë i gjakut. Mos harroni se ai u operua kohët e fundit dhe është në prag të 60-ave. Ne do ta këshillojmë atë të os vihet në krye të skuadrës në fazën e parë, e cila do të kërkojë shumë përpjekje fizike, por gjithashtu e dimë që Diego është një person special”, tha menaxheri shëndetësor i klubit.
