Një tjetër gjest për tu vlerësuar është ajo e futbollistit Cristiano Ronaldo dhe e gjithë skuadrës së Juventus-it. Është vendosur që të gjithë bashkërisht të japin kontributin e tyre në luftën kundër Covid-19, me rrogën e tyre mujore.
Trajneri Maurizio Sarri dhe të gjithë futbollistët do të heqin dorë nga paga e katër muajve, për të ndihmuar në ndikimin ekonomik që pandemia ka shkaktuar.
Duke iu referuar marrëveshjes në fjalë, pagat e muajit mars, prill, maj dhe qershor, do t’i kursenin club-it në total 90 milionë euro.
Vetë ylli i skuadrës, Ronaldo dhuroi plot 1 milion euro. Paratë e futbollistit do të shkojnë për pajisjet e terapisë intensive dhe shtretër për në spitalin e Lisbonës.
Kina është vendi i parë ku u përhap koronavirusi. Në 24 orët e fundit ka patur 4 viktima. Vendet më të prekura në Europë janë Spanja dhe Italia.
